Issittumi utoqqalineq (AgeArc)
- Kalaallit Nunaanni utoqqaat akornanni inuunermi atugassarititaasut, inuunerup naleqassusaa peqqissuunissarlu
Kalaallit Nunaanni ukiuni makkunani utoqqaat amerliartorput sulili inuunerminni atugarisaat pillugit ilisimasat killeqarlutik. Tamanna Issittumi Utoqqalineq qulequtsiullugu suliniummi iliuuseqarfiginiarneqarpoq.
Suliniut aningaasaateqarfimmiit VELUX FONDEN-imit 5,6 mio. koruuninik aningaasaliiffigineqartoq ilaatigut kulturikkut oqaluttuarisaanerup misissuiffigineragut, kulturip misissuiffigeqqissaarneragut innuttaasunillu misissuisitsinertigut Kalaallit Nunaanni utoqqaat akornanni peqqissuseq, iluarusunneq, inuunermillu naleqartitsineq ilisimatusarfigineqassapput.
Ilisimatusarneq peqqissuunissaq anguniarlugu suliniutinik aaqqiissutissanillu nutaanik inerisaaqataassaaq piviusunngortitseqataassallunilu peqqinnisamillu sullissisut ilinniagaqassutsikkut pitsanngorsaavigineqarsinnaanerannut siunnersuusiussalluni.
Suliniummi sulineq ilisimatusarnerlu akuleriissinneqarput, suliniutillu nutaat kommunini atuutilersinneqassallutik. Taamaammat Kalaallit Nunaanni kulturimut tunngatillugu pissutsit pillugit ilisimasanik maannalu periusaasut pillugit misilittakkanik ilaqartinnissaa suliniummi immikkut pingaartinneqarpoq.
Issittumi Utoqqalineq qulequtsiullugu suliniummut (AgeArc) tunngasunik allanik paasisassarsiorit.
 |
 |
